F0rever Friends


عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

F0rever Friends



    تعترف بحبها قصة طويلة

    شاطر

    اميرة النسيان
    شخصية هامة ومميزة
    شخصية هامة ومميزة

    عدد المساهمات : 823
    تاريخ التسجيل : 03/09/2009

    تعترف بحبها قصة طويلة

    مُساهمة من طرف اميرة النسيان في الخميس سبتمبر 24, 2009 5:34 pm







    انا بصراحه ماادري وشلون بكتب بهالموضوع ماتوقعت يجي يوم واكتب عن حبي
    و خصوصا ان الاعضاء ينظرون لي نظره مختلفه عن حقيقتي
    بس تشجعت لأن اسمي ماراح يطلع لأحد و انا اثق في نجومه
    مثل أغلب القصص في النت تعرفت عليه من المنتدى
    في البدايه كنت ارد على مواضيعه و هو يرد على مواضيعي
    كانت تعجبني شخصيته و خفة دمه و احيانا جديته في مواضيع
    كنت اشوفه الرجل المثالي
    اتفقت انا وهو اننا نسوي موضوع مشترك بيننا
    و اضفته في ايميلي عشان هالموضوع و نسينا الموضوع و قعدنا نسولف
    الشئ اللي يضحك اننا للحين ماسوينا الموضوع
    مع الايام تعلقت فيه ادخل بوقته واطلع اذا طلع
    وصلت السالفه اني حطيت كل اللي عندي بلوك ماعداه
    بس عشان نسولف براحتنا صار كل شئ في حياتي
    وصرت استشيره في كل صغيره وكبيره
    لدرجة اني اسأله أي واحد من ملابس العيد البس اول يوم اصورها له واسأله
    و حتى فستان زواج خالي هو اللي اختاره لي و هذا كله و احنا على الماسنجر
    ادري فيه ناس مستغربه وشلون هو اللي اختاره
    عادي راح للمحل وحجزه و انا رحت دفعت و اخذته
    قال انه يبغى يتعرف علي اكثر .. اغلب الاعضاء اذا مو كلهم
    بيقولون كلمته تلفون بس مو هذا اللي صار
    اللي صار اني عرفته على اهلي يمكن تستغربون و تقولون مهبوله
    بس انا ماعرفته على اهلي على انه حبيبي عرفته عليهم بطريقه ثانيه
    عرفته اول شئ على اخوي و كانت بالنسبه له صدفه
    و بعدين اخوي عرفه على ابوي كانوا يمدحونه بالبيت
    و كنت استانس وكأنهم يمدحوني
    بعدها صرنا نكلم بعض بالتلفون و صلت لدرجة اني كنت ماانام الا على صوته
    و ادق عليه اقومه من نومه عشان الدوام كان يعرف عني كل شئ
    و كنت اعرف عنه كل شئ او هذا اللي ظنيته
    بعدين دريت من اخوي انه بيخطب استغربت انه ماقالي شئ
    و يوم سألته كان يتهرب و بعدها بمده كلمني
    و قالي : اسف انا بصراحه ولابعمري حبيتك
    و كنت بسوي فيك مثل مايسوي الشباب بس عرفت اهلك
    و هم ناس طيبين ماحبيت اضرهم بشئ
    روحي في حالك و انا في حالي يابنت ماابي اغلط معك بشئ
    و لهذي الدقيقه انا ماعندي استعداد اصدق ولد
    والله لو يركع لي ويقول احبك ماصدقته
    خلاص صار ماعندي احساس
    وحسبي الله ونعم الوكيل فيكم







    اول شي انا بنت مثل كل البنات تدور على انسان يحس فيها انسان يحبها
    بس للأسف تعبت وانا ادور هالانسان
    قبل ماادخل النت .. هالعالم الواسع كان عندي ولد خاله اسمه نواف
    كان بمثابة اخوي .. كنت انا وهو اذا اجتمعنا في الاجازات مانجلس الا مع بعض
    ولا نسهر الا مع بعض كنا انوااااع الوناسه .. ماانسى هالايام ابدا ..
    مرت الايام وكل مالي احب هالولد اكثر بس محبة اخوة ...
    لما جاء يوم وكنت جالسه مع وحده من البنات قالت لي ازهار ايش هالحركات
    صدق اللي قال ياما تحت السواهي دواهي .. انا طبعا مافهمت ولاشي من كلامها
    قلت ايش فيك ردت علي قالت نواف يحبك وماتقولين لنا ...
    كانت بمثابة الصدمه لي كنت ماني مستوعبه ابدا اللي كنت معتبرته اخوي
    بين يوم وليله يقولون لي حبيبك ... مرت الايام ولما جات الاجازه صرت اتهرب منه
    اذا جلس في غرفه طلعت منها اذا جلس جنبي صرخت عليه وقلبت الدنيا فوق تحت
    كل هذا عشاني خايفه يقولون ازهار حبت ونواف حبيبها
    لأني انا ماعندي الا اخو صغير واحنا خمس بنات
    فما كان عندي اخو يقطع لسان أي احد يتكلم عني او عن خواتي ...
    كنت اقول لخواتي مافيه حب كل الشباب كذابين لا تعطين الشباب وجه ومن هالكلام
    ومرت الايام ..وصاروا البنات ماعندهم سيره غير نواف وازهار ازهار ونواف
    الى ان جاء يوم وجات بنت خالتي اخت نواف وكان معاها جواله
    وجالسه تدور لها على رساله حلوه جيت وجلست جنبها ونقرأ في الرسايل ..
    لكن المصيبه لما طاحت عيني على ابيات مكتوبه فيني..
    طالعت فيني وقالت… ( حرام عليك بعد كل هذا ومو حاسه فيه )
    رديت عليها وقلت لها اخوك هو اخوي كيف تبغيني احبه وهالسالفه الى اليوم ماانساها..
    انا طبعا من بعد ماقرأت الابيات وانا زاد تهربي منه
    ورغم كل اللي اسويه فيه كان مايقابلني الا بإبتسامه
    اصرخ في وجهه يبتسم اتهاوش انا وهو يبتسم يمكن كان يعرف ان ابتسامته حلوه >_<
    يارب رد له صحته وابتسامته ردها لنواف .. لو شاب ثاني كان راح دور وحده ثانيه يحبها ..
    مرت سنه وانا على هالحال الى ان جاء يوم وقلت خليني ادخل عالم النت
    لعل وعسى انسى هالسالفه ... طبعا لحد الحين ماجربت الحب ..
    دخلت هالعالم وبعد فتره دخلت الشات >_< كنت داخله اضيع وقت
    وطبعا مثل ماقلت ماعندي الا اخو صغير يعني ماوراي احد يحاسبني
    بس كنت اذا شفت ابوي من غير مااحس بنفسي اجلس ابكي
    لدرجة اني مااقدر احط عيني بعينه >_< ..
    المهم في يوم من الايام دخلت على واحد بالغلط اعتذرت منه وتقبل اعتذاري
    وجلس يستهبل وفي لمحة بصر صرت مااقدر استغني عنه
    رغم اني كنت اعرف انه راعي بنات يعني يعرف اكثر من وحده بس كنت احبه
    او بالاصح كنت معجبه بشخصيته لدرجة اني اعتدت اني اشوفه كل يوم في الشات
    ومثل ماتعرفت عليه مثل ماانفصلت عنه في لمحة بصر
    ولحد هالساعه وانا ماادري كيف تركته ....
    سجلت في منتديات مكسات بعد محاولات عديده من ناس اعرفهم
    وبعد فتره وصلتني رساله من عضو
    وربي اللي خلقني لو شايفين كيف كنت فرحانه ماتصدقون
    فرحتي كانت ماتنوصف ماادري ليش يعني
    لو اول مره تجيني رساله يمكن اقول خبله وفرحانه برساله
    بس لحد اليوم ادور تفسير لفرحتي ومالقيت على اني ماكنت اعرفه كثير
    ورساله وراء رساله وراء رساله ... إلى ان اضفته عندي في المسن صرت مااقدر على فراقه
    بس هالمره كان شعوري غير كنت احبه جد في البدايه اعترف كنت داخله لمجرد حب استطلاع
    ابغى اعرف فيه حب في هالزمن صدق او لا ..
    بس بعد مرور الايام حسيته جزء من حياتي مااقدر استغني عنه
    اليوم اللي مااشوفه فيه احس ان هاليوم ماله طعم
    كانت تمر علي ايام اسأل نفسي فيها لو يصير فيه شي ؟!
    ايش راح اسوي كيف راح اعيش ياترى اقدر اعيش او لا..
    جات فتره اخذت من زياد ( العضو اللي حبيته ) موقف
    كرهت دنيتي بعد كل اللي سويته يسوي فيني كذا ...
    غبت عنه فتره ورجعت ولقيته يحب وحده ثانيه .. جرحني جرح كبييير..
    رغم كل هذا رجعت له لأن هذا اللي تعلمته من نواف ..
    علمني كيف احتفظ بجروحي والامي لنفسي .. علمني كيف اضحي ..
    كيف اتناسى عشان من احبهم ..
    المهم في هالفتره صار لنواف حادث ودخل في غيبوبه
    في هذاك اليوم اللي قالوا لي ان نواف بين الحياه والموت ..
    ضاقت علي الدنيا ليش كنت قاسيه معاه بعد ماعرفت ان الحب مو بيد الانسان ...
    مرت الايام وكل يوم يزد حبي لزياد وفجأة ولأسبابي الخاصه تركته
    كان يرسل لي رسائل وماارد عليه
    بس وربي كنت اتعذب في كل رساله يرسلها لي
    وانا عاذرته يبغى يعرف سبب ابتعادي عنه ..
    بس مو ذنبي انا قلت لثنتين من عضوات مكسات يوصلون له كلامي
    بس للأسف ماوصلوا له شي ..
    وحده من العضوات بدأت تراسلني وتناقشني في سالفة انقصالي عن زياد
    وتحاول اني ارجع له .. وكان جوابي دائما وابدا ((لا))
    كانت تقول يبغى يتزوجك ومافيه بنت عاقله تقتنع بهالكلام
    حتى لو كانت تحب ومافيه زواج عن طريق النت يستمر ...
    طبعا في هالفتره جاني خبر فرحني شوي وغير من جوي الكئيب
    وهو خبر ان نواف بدأ يتعافى وشوي شوي لما طلع من المستشفى
    وكملت الفرحه جد .. كان النطق عنده صعب والمشي بعد ..
    لأنه كان في غيبوبه شهرين ونصف على مااعتقد ..
    اخت نواف كانت عزيزه على قلبي حييييل وكان بيني وبينها اتصالات
    انقطعت عنها فتره لأني في هالفتره كنت مريضه
    لدرجة اني كنت مااقدر اتحرك من السرير بعد ماتعافيت اتصلت تسأل عني
    وقلت لها كنت مريضه والحمد لله اليوم احسن كان جنبها نواف تخيلوا معاي الموقف ..
    مايقدر يتكلم مثلنا ..الكلام يطلع بصعوبه ..
    ومع ذلك يقول قولي لها الحمد لله على السلامه >_<
    انا عارفه اني مااستاهل هالانسان ..
    ماكلفت نفسي ارفع السماعه واقول الحمد لله على السلامه له ...
    انا عارفه انكم راح تقولون اني قاسيه بس اقول لكم مافيه بنت قاسيه
    فيه بنت تلعب دور القاسيه انا كل يوم اتعذب اكثر من اليوم اللي قبله
    كل الناس ضدي لأني تركت زياد اللي احبه وانا ماتركته الا عشان رب العباد
    رب البشر حرم هالعلاقات ومن ترك شي لله عوضه الله خير منه
    وربي عوضني براحه نفسيه لا توصف ارتحت من تجاه ابوي حسيت اني بنته جد ..
    حسيت انه الحين بس يحق له يفتخر ببنته ..
    المهم بعد فتره قصيره اتصلت علي بنت خالتي تاخذ رأيي
    في لو ان اخوها نواف خطبني اوافق.. انا وافقت مبدئيا ..
    بس اللي ماكان في الحسبان ان ولد خالة امي خالد طلع يحبني
    وامه اتصلت وهي خايفه على ولدها تقول :
    انه يهدد ويحلف ان أي احد راح يتزوج ازهار راح يقتله
    ادري انكم راح تستغربون بس تصير عندنا كثيييييير ..
    يعني تصير البنت كأنها ملكه هو بس .. يعني بالاصح كأنها محجوزه له ...
    المشكله بعد مااستلطفت نواف وحسيت فيه .. يطلع لي هذا ..
    يعني زياد اللي حبيته مااقدر اوصل له ونواف اللي يحبني
    وعلمني معنى الحب وحاسه اني راح انسى همومي معاه
    حاسه اني ماراح او صل له هو الثاني
    لأني اذا وصلت له اكون حفرت قبره بيديني
    والله محتاره ماادري ايش اسوي ابغى مشورتكم يااعضاء ؟!؟! ...
    والا مالي غير قلمي وورقتي افرغ فيها همومي .....

    ( ملاحظه : تم تغيير جميع اسماء من في القصه )


    _________________
    لن أنســــاك
    عندما ابحث بين اوراقي الذابله.
    اجد صورتك المكتوب عليها لن أنساك
    وتحرك تلك الصوره نبض قلبي
    وتعيد حبك المنقوش في ذاكرتي
    وتتبعثر الاوراق وتبقي صورتك في خيالي
    انساني ما بنساك

    عاشق بحر الذكريات
    نائب المدير العام
    نائب المدير العام

    عدد المساهمات : 1076
    تاريخ التسجيل : 07/07/2009

    رد: تعترف بحبها قصة طويلة

    مُساهمة من طرف عاشق بحر الذكريات في الجمعة سبتمبر 25, 2009 3:25 pm

    يسلمو كتير لإلك اميره كلمات وموضوع فوء الرهيب وفوء الرائع بجد


    تحياتي


    _________________


    إذا أحببت أحدا بشدة فأطلق سراحة

    فإن عاد إليك فانه ملك لك إلى الأبد

    وإن لم يعد فهو لم يكن لك من البداية



    اميرة النسيان
    شخصية هامة ومميزة
    شخصية هامة ومميزة

    عدد المساهمات : 823
    تاريخ التسجيل : 03/09/2009

    رد: تعترف بحبها قصة طويلة

    مُساهمة من طرف اميرة النسيان في السبت سبتمبر 26, 2009 4:42 pm

    والله ردك وكلامك المميز والرائع هو يلي وء الرهيب
    وتحياتي لك عاشق وللجميع
    اميرة النسيان


    _________________
    لن أنســــاك
    عندما ابحث بين اوراقي الذابله.
    اجد صورتك المكتوب عليها لن أنساك
    وتحرك تلك الصوره نبض قلبي
    وتعيد حبك المنقوش في ذاكرتي
    وتتبعثر الاوراق وتبقي صورتك في خيالي
    انساني ما بنساك

    عاشق بحر الذكريات
    نائب المدير العام
    نائب المدير العام

    عدد المساهمات : 1076
    تاريخ التسجيل : 07/07/2009

    رد: تعترف بحبها قصة طويلة

    مُساهمة من طرف عاشق بحر الذكريات في السبت سبتمبر 26, 2009 11:05 pm

    يسلمو دياتك يا اميره علي كلامك الزوء والله هيدا من زوءك

    تحياتي


    _________________


    إذا أحببت أحدا بشدة فأطلق سراحة

    فإن عاد إليك فانه ملك لك إلى الأبد

    وإن لم يعد فهو لم يكن لك من البداية



    اميرة النسيان
    شخصية هامة ومميزة
    شخصية هامة ومميزة

    عدد المساهمات : 823
    تاريخ التسجيل : 03/09/2009

    رد: تعترف بحبها قصة طويلة

    مُساهمة من طرف اميرة النسيان في الأربعاء نوفمبر 18, 2009 10:48 am

    يسلمو لالك كتير عاشق
    تح
    ياتي


    _________________
    لن أنســــاك
    عندما ابحث بين اوراقي الذابله.
    اجد صورتك المكتوب عليها لن أنساك
    وتحرك تلك الصوره نبض قلبي
    وتعيد حبك المنقوش في ذاكرتي
    وتتبعثر الاوراق وتبقي صورتك في خيالي
    انساني ما بنساك

      الوقت/التاريخ الآن هو الثلاثاء ديسمبر 06, 2016 3:07 am